TALETŠO YA DITŠHIŠINYO TŠA MAINA A BATHO BAO BA TLAGO ŠOMA BJALO KA MALOKO A LEKGOTLA LA BOKGOBAPUKU BJA BOSETŠHABA BJA DIFOFU LA AFRIKA BORWA (BLINDLIB), GRAHAMSTOWN
GO TLOGA KA 2007 GO FIHLA KA 2010
Maloko a lekala la ditirelo tša tshedimošo le bokgobapuku, difofu le bao ba sa kgonego go bala, le setšhaba ka kakaretšo, se mengwa go šišinya maina a batho ba go ba maswanedi go elwa hloko ge go kgethwa Lekgotla la Bokgobapuku bja Difofu la Afrika Borwa (Blindlib), Grahamstown. Lekgotla le tla ba le bonnyane bja maloko a šupa, ao a tla kgethwago ke Tona ya Bokgabo le Setšo lebaka la 1 Oktobere 2007 go fihla ka 30 Setemere 2010. Morago ga moo Lekgotla le tla kgethwa gape. Lekgotla le kopana gane ka ngwaga kua Grahamstown, Kapa Bohlabela. Mogolo wa maloko a Lekgotla o tla kgaoletšwa go ba tefelelo ya ditshenyegelo tša marobalo le maeto ge ba etla dikopanong.
Mediromegolo ya Lekgotla ke go dira melaotshepetšo, go dumelela tekanyo ya Blindlib le ditaodišo tša ditšhelete, go kgetha bašomi, le go eletša Tona ka merero ya go amana le Blindlib go ya ka Molao wa Bokgobapuku bja Difofu wa Afrika Borwa, 1998 (Molao wa 91 wa 1998).
Bašišinywa ba swanetše go emela bakgathatema bao ba nago le mabokgoni ao a hlokegago go thuša Blindlib gore e fihlelele dinepo tša yona. Ba swanetše go ba le tsebo ya ditirelo tša bokgobapuku le tshedimošo, botsebi go merero yeo e amago babadi ba difofu le bao ba sa kgonego go bala, botsebi go merero ya ditšhelete, le botsebi bja papatšo, kgokagano le kgoboketšo ya matlotlo.
Motho mang le mang yo a ratago go šišinya leina la motho go direla Lekgotla la Blindlib o swanetše go romela tshedimošo ye e latelago go Kgoro ya Bokgabo le Setšo (Tshedimošo ya kgokaganyo ka fase):
Lengwalo leo le nago le (a) maina ka botlalo le tshedimošo ya kgokagano ka botlalo ya mošišinyi (c) thekgo ya mošišinyi le, (c) le maina le tshedimošo ya kgokagano ya batho ba bararo bao ba hlatselago mošišinywa .
Kamogelo ya mošišinywa yeo e ngwadilwego ya tšhišinyo foromong ya tšhišinyo ye e laeditšwego (e hwetšagalwa ka kgopelo)
Taodišophelo (CV) ye e khutsofaditšwego ya mošišinywa, ye e hlalošago maswanedi a ga gagwe, yeo e fago dintlha tšeo di latelago tša mošišinywa-
a Thaetlele le maina ka botlalo b Nomoro ya Pukwana ya boitsebišo goba ID
c Bodudi d Dintlha ka botlalo tša boikgokaganyo e Maemo a bjale le leina la mongmošomo f Mangwalo a thuto g Maitemogelo a maleba h Mafapha a botsebi i Boleloko j Tirelo ya pele le ya bjale go le/makgotla k Bong l Morafe
Tšatšikgwedi la go tswalela ditšhišinyo ke 18 June 2007. Ditšhišinyo di swanetše go romelwa go-
Kgoro ya Bokgabo le Setšo
Mogala: 323-5300 X254
Fekese: 323-5287
